Demokratio kaj mult-lingveco

Sci-volulo: Saluton, kara ĉef-komputila Moŝto! Ĉu mi ĝenas vin?
Ĉef-komputila moŝto: Saluton, Sci-volulo! Tute male. Mi delonge aten-das vian vokon. Ĉu mi povas vin helpi? Parolu!
Sci-volulo: Kun ĝojo. Ĉu vi aŭdis, ke ankaŭ nia lando baldaŭ aliĝos al Eŭropa Unio (EU) kaj solviĝos por ĉiam nia izoliteco. Mi tre ĝojas.
Ĉef-komputila moŝto: Gratulon! Ĉu ankaŭ la lingva izoliteco?
Sci-volulo: Jes ja, ĉar ĉiuj lingvoj estas egal-rajtaj. Tio estas postulo de demokratio, ĉu ne?
Ĉef-komputila moŝto: Sendube. Kaj kiel realiĝas la de-mokratia principo de komunikado en EU? En kiu lingvo vi, ekzemple, parolos kun estono? Ĉu en la estona aŭ en la hungara?
Sci-volulo: Ili ambaŭ estos oficialaj lingvoj de EU, tamen praktike, tre verŝajne, ni komunikiĝos en iu labor-lingvo de EU, ĉu en la angla, franca...
Ĉef-komputila moŝto: Se ekzistas distingo inter la lingvoj, t.e. ekzistas, unu-flanke, oficialaj lingvoj, aliflanke, laborlingvoj, tiu-okaze ne ekzistas vera egaleco en la komunikado.
Sci-volulo: Vi pravas. Tamen, tio estas pli bona ol se estus nur unu deviga lingvo por ĉiuj.
Ĉef-komputila moŝto: Sendube. Kaj vi pravas en tiu okazo, se la deviga lingvo estus iu el la lingvoj de la aliĝintaj nacioj. Sed kiel paroli pri demokratio ĉe tia okazo?
Sci-volulo: Ni devus, do, laŭ via opinio, elekti iun ekster-Eŭropan lingvon por preferi neniun nacion.
Ĉef-komputila moŝto: Tio estus stultaĵo. Ekzistas, ja – de pli ol 100 jaroj – neŭtrala internacia lingvo, kiu baziĝas sur la hind-Eŭropaj lingvoj, kaj kiu – pro sia reguleco – estas multe pli facila ol iu ajn el la naciaj lingvoj. Prudenta homo, memkompreneble, elektus tiun elir-vojon, se li vere deziras demokration.
Sci-volulo: Pri tio mi absolute konsentas, eĉ plen-kore apogas ties realigon laŭ miaj modestaj forto kaj kapablo.
Ĉef-komputila moŝto: Mi deziras al vi kaj al viaj amikoj, baldaŭan triumfon en la komunikada kampo.

estono: popolo apud la Balta Maro
principo: fundamenta veraĵo
stulta: malsaĝa
triumfo: brila venko, sukceso.