Mia kato

Karesa mia kara best’!
Min ege ravas via vest’,
lanuga, mola, bela vest’!

Karesa kaj tenera best’!
Ja vin renkonti estas fest’,
ĝojiga atendata fest’!

Se tristo venas aŭ angor’,
aperas vi en ĝusta hor’
kaj ĝojas mia laca kor’.

Vi venas laŭ unua pet’
Impresas via helpo-pret’!
Vi ĉiam venas tuj laŭ pet’!

Se mondo ŝajnas la kruel’,
aspektas vi kares’ kaj hel’.
Denove renaskiĝas bel’!

Karesa kaj bon-kora kat’!
Mi sentas vin ja mia frat’.
Vi estas mia vera frat’!

Grigorij BEREZIN, Ukrainio

angoro: ĝenerala missento
impresi: influi sur la sentoj
karesi: delikate tuŝi
lanugo: tre delikata hararo
tenera: milde varm-kora
trista: malgaja